Bakıda faciəli şəkildə ölən bacılar dəfn edildilər – YENİLƏNİB + FOTO/VİDEO
21-07-2022, 23:19. Разместил: admin
Dünən Xəzər dənizinin Nardaran qəsəbəsi hissəsində boğulan bacılar dəfn edilib.Baku TV əməkdaşları həmin ailənin evində olub.
Qonşu Alı Vahidov bildirib ki, ailənin böyük qızı Aysel Abdullayeva bu il yüksək balla Bakı Dövlət Universitetinə qəbul olub.
“Bu hadisəni qeyd etməyə getmişdilər dənizə, qeyd edə bilmədilər”, – deyə o bildirib.
Daha ətraflı Baku TV-nin süjetində:
10:39
Dənizdə boğulan bacılardan kiçiyinin meyiti də sudan çıxarılıb.
Bu barədə Oxu.Az-a Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin İctimaiyyətlə əlaqələr və təbliğat şöbəsinin rəisi Aqşin Əlili deyib.
Onun sözlərinə görə, hadisə Nardaran çimərliyində deyil, qeyri-çimərlik ərazidə baş verib:
“19 iyul saat 16:12-də Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinə iki nəfərin dənizdə çimərkən boğulması ilə bağlı məlumat daxil olub.
Hadisə Kürdəxanı qəsəbəsi “42-ci dalğa” deyilən ərazinin çimərliyində baş verib. Nəzərə çatdıraq ki, həmin gün hava şəraiti küləkli idi. Şimal-qərb küləyinin əsdiyi vaxtda qeyri-çimərlik ərazidə baş verib”.
“Uşaqlar dənizə girən zaman valideynlər çıxırmışlar... Nəzarətsiz qalan uşaqlar dənizə giriblər. 16:12-də bizə məlumat daxil oldu. Biz müdaxilə edənə qədər böyük bacı, 2005-ci il təvəllüdlü Ayseli ləpələr sahilə çıxarmışdı. Amma kiçik bacı, 2008-ci il təvəllüdlü Abdullazadə Aygün Asəf qızının meyiti bu gün 09:14-də batdığı yerdən 11 km aralıda çıxıb. Sudan çıxarılıb aidiyyəti üzrə təhvil verilib. Ailə Xətai rayonu ərazisində yaşayırmış. İstirahət etmək üçün bu ünvana üz tutublar”, - A.Əlili bildirib.
09:44
Bakıda Xəzər dənizində vəzifəli şəxsin iki qızı boğularaq ölüb.
“Report” xəbər verir ki, hadisə Nardaran qəsəbəsindəki çimərlikdə baş verib.
Belə ki, dənizə girmiş 17 yaşlı Aysel və 15 yaşlı Aysun Abdullayevalar boğulub. Onların həyatını xilas etmək mümkün olmayıb.
Məlumata görə, dünyasını dəyişən Aysel Abdullayevanın bu il yüksək balla ali məktəbə qəbul olduğu bildirilir.
Boğularaq ölən şəxslər Ədliyyə Nazirliyinin Penitensiar Xidmətinin Mühafizə Alayının əməkdaşı Asəf Abdullayevin övladlarıdır.
01:02
Xəzər dənizinin Nardaran qəsəbəsi hissəsində iki bacı boğulub.
“Qafqazinfo” xəbər verir ki, dənizdə batan bacılardan Ayselin 17, Aysunun isə 15 yaşı olub.
Böyük bacının meyiti artıq dənizdən çıxarılıb, balaca bacının axtarışları hələ davam edir.
Qeyd edək ki, Aysel bu il yüksək balla universitetə qəbul olubmuş. Onların atası hərbçi, anası evdar qadındır. Ailə 4 nəfərdən ibarət olub.
Вернуться назад