Doğum evindən qaçırılan körpə 16 il sonra valideynlərinə qovuşdu
21-02-2022, 09:39. Разместил: admin
Meksikanın Qvadalaxara şəhərində özünü tibb bacısı kimi təqdim edən qadın doğum evindən yeni doğulmuş körpəni oğurlayıb.2005-ci ilin dekabrında o zaman 22 yaşında olan Rosaliya Lopezin Salvador adlı oğlu dünyaya gəlib. Doğuşdan sonra Lopez bir müddət xəstəxanada olub, əri Yaser Makias mütəmadi olaraq ona baş çəkib. Səfərlərinin birində arvadı dincələn zaman Makias uşaqla tək qalıb. Bu zaman tibb bacısı içəri girərək ona deyib ki, ziyarət vaxtı bitib və o, uşağı yedizdirməyə aparmalıdır.
Beləcə, körpə oğurlanıb. Qaçırılan uşağı 16 yaşında ikən valideynlərin təsvir etməyə çalışdıqları eskiz sayəsində tapmaq mümkün olub. Çəkilən portretə bənzəyən gənc polisin diqqətini çəkib. Onun DNT-si yoxlanıb və Lopezin oğlu olduğu təsdiqlənib.
Nəticədə, yeniyetmə öz ailəsinə qovuşub. Lakin, eyni zamanda cinayətin üstü hələ də açılmamış qalır.
Вернуться назад