Moskvadan Paşinyana İSTEFA ÇAĞIRIŞI: hakimiyyətdən getməsə...
4-12-2020, 17:09. Разместил: azadses
"Taşir" şirkətlər qrupunun qurucusu və Rusiya erməni sahibkarları birliyinin prezidenti Samvel Karapetyan Ermənistanın baş naziri Nikol Paşinyanı dərhal istefaya çağırıb.''Azad Səs'' Publika.az-a istinadən xəbər verir ki, Karapetyan bunu bu gün erməni xalqına yayılan mesajında bildirib.
İş adamı fikirlərini təfərrüatlı şəkildə açıqlayıb və baş nazir və hökumətin istefasının niyə lazım olduğunu düşündüyünü izah edib: “Qan tökülmədən ediləcək hakimiyyət dəyişikliyi Ermənistan üçün yaranan çətin vəziyyətdən çıxmağa kömək edəcək. Baş nazir və hökumətin dərhal istefası müvəqqəti nazirlər kabinetinin formalaşdırılması və növbədənkənar parlament seçkilərinin keçirilməsi lazımdır. Ermənistan mübaliğəsiz böyük bir faciə yaşayır, çünki erməni xalqının tarixinin ən dramatik səhifələrindən biri indi yazılır. Azərbaycanın üstün qüvvələrinə qarşı müharibədə yenə də uğursuz olduq.
Mövcud hökumət ölkəni idarə edə bilmir. Onun ən vacib öhdəliyi Ermənistan ordusunun döyüş qabiliyyətini və Qarabağ sakinlərinin təhlükəsizliyi idi ki, onu təmin etmək iqtidarında da deyil. Bunu etiraf etmək lazımdır. Ermənistan rəhbərliyinin apardığı daxili və xarici siyasət fəlakətə səbəb oldu. Buna görə də vaxt itirib özümüzü aldatmaqla məşğul ola bilmərik. Hamımız və ilk növbədə, səlahiyyətlilər etiraf etməliyik ki, bir sıra səbəblərə görə Paşinyan və onun hökuməti artıq erməni cəmiyyətinin enerjisini konstruktiv bir kanala çevirə, xalqı birləşdirə və ciddi həll etməyə başlaya bilməyəcək”.
Onun sözlərinə görə, Ermənistanın ən qısa müddətdə inkişafına yönəlmiş prinsipial yeni bir gündəliyin formalaşdırılması, iqtisadiyyatın bərpası üçün real bir yol xəritəsi yaradılması və baş verən hadisələr nəzərə alınmaqla düzgün xarici siyasət istiqamətlərini müəyyənləşdirmək vacibdir.
Вернуться назад