Koronavirus testlərində yanlış cavabların səbəbləri açıqlandı
24-11-2020, 08:14. Разместил: azadses
Koronavirus testindən əvvəl pasiyentlərə su içmək, siqaret çəkmək və burnu silmək olmaz. Eyni zamanda laboratoriya üçün qaydalar var: həkimlər test üçün vaxtı düzgün seçməli və proseduru izləməlidirlər.''Azad Səs'' Oxu.az-a istinadən xəbər verir ki, RBK-nın məlumatına görə, bu barədə rusiyalı həkim virusoloqlar COVID-19 testi zamanı səhv cavabların səbəbini açıqlayarkən danışıblar.
“Tvoy Doktor” klinikasının terapevti və baş həkimi Tatnana Romanenko prosedurun hansı şərtlərdə faydasız ola biləcəyindən danışıb. Onun sözlərinə görə, müəyyən qaydalara riayət edilməsə - burun keçidlərində kifayət qədər dərindən nümunə götürülməyibsə, yaxud xəstə əvvəllər burnunu silmiş, yumuşsa, o zaman testin cavabı səhv ola bilər. Həmçinin boğazdan yaxma götürülməzdən əvvəl xəstə ağzını antiseptik məhlulla yaxalamamalı və yemək yeməməlidir.
“Bunu edərsə, heç bir patogen tapılmayacaq”, - deyə o vurğulayıb.
Lomonosov adına Moskva Dövlət Universitetinin professoru, biologiya elmləri doktoru, virusoloq Aleksey Aqranovski nümunələrin özlərinin hazırlanma keyfiyyətinin test nəticələrini təsir edə biləcəyini deyib.
Вернуться назад