Qırğızıstanın Baş prokuroru da istefa verdi
21-10-2020, 12:27. Разместил: azadses
Qırğızıstanın Baş prokuroru Orkurbek Cəmşitov tutduğu vəzifədən istefa verib.''Azad Səs'' Modern.az-a istinadən xəbər verir ki, bu barədə jurnalistlərə deputat Mirlan Bakirov bildirib.
Digər millət vəkili Talant Mamıtovun sözlərinə əsasən, bu posta deputat Kurmankul Zuluşev namizəddir.
Xatırladaq ki, Qırğızıstanda 4 oktyabrda keçirilən parlament seçkilərinin nəticələrinə qarşı oktyabrın 5-də kütləvi etirazlar başlayıb. Etirazçılar ilə təhlükəsizlik qüvvələri arasındakı qarşıdurmadan sonra parlamentə keçməyən müxalifət partiyalarının tərəfdarları prezident administrasiyasının yerləşdiyi parlament binasını ələ keçirib.
Qarşıdurmalarda 1,2 mindən çox insan yaralanıb, biri nəfər öldürülüb. Qırğızıstan Baş naziri Kubatbek Boronov istefa verib. Bişkekdəki iğtişaşlar 9 oktyabrda yenidən başlayıb. Müxalifət lideri Tilek Toktogaziev də daxil olmaqla 7 nəfər yaralanıb.
İstefalar fonunda Baş qərargah rəisi Rayimberdi Duyşenbiyev və respublikanın Milli Təhlükəsizlik Dövlət Komitəsinin sədri Orozbek Opumbayevi vəzifəsindən azad ediliblər.
Ölkə prezidenti Sooronbay Jeenbekovun 15 oktyabrda könüllü istefasından sonra respublikada vəziyyət sabitləşib. Dövlət başçısının səlahiyyətləri Baş nazir Sadır Japarova keçib.
Вернуться назад