Keniya Prezidenti bir sıra nazirləri təyin edib
20-12-2024, 14:04. Разместил: azadses
"Report"un məlumatına görə, bu barədə "Star" qəzeti xəbər yayıb.
Qeyd edilir ki, Daxili İşlər Nazirliyinə sabiq gənclər, kreativ iqtisadiyyat və idman naziri Kipçumba Merkomen rəhbərlik edəcək. O, bu ilin oktyabrında ölkənin vitse-prezidenti olmuş Kiture Kindikini əvəzləyəcək.
Keçmiş səhiyyə naziri Mutahi Kaqve kənd təsərrüfatı və heyvandarlıq naziri, Li Kinyanjui isə İnvestisiya, Ticarət və Sənaye Nazirliyinə rəhbərlik edəcək. Keçmiş investisiya və ticarət naziri Salim Mvuria gənclər, kreativ iqtisadiyyat və idman naziri vəzifəsinin səlahiyyətlərini yerinə yetirəcək. İnformasiya, Rabitə və Rəqəmsal İqtisadiyyat Nazirliyinə Uilyam Kaboqo rəhbərlik edəcək. Kaqve, Kinyanjui və Kaboqo Keniyanın əvvəlki prezidenti Uhuru Kenyattanın administrasiyasında da çalışıblar.
Вернуться назад