Alimlər Altsheymer xəstəliyinin beynə iki mərhələdə təsir etdiyini aşkar ediblər
16-10-2024, 11:19. Разместил: azadses
“Report” xəbər verir ki, tədqiqatın nəticələri Nature Neuroscience jurnalında dərc olunub.
Alimlərin fikrincə, erkən mərhələdə yalnız müəyyən növ hüceyrələr zədələnir və bu proses yavaş-yavaş və görünən simptomlar olmadan baş verir. İkinci mərhələdə xəstəlik yaddaş itkisi kimi simptomlarla müşayiət olunan daha geniş ziyana səbəb olur.
Alimlər 84 könüllünün beynini tədqiq edib və aşkar ediblər ki, xəstəliyin erkən dövründə tormozlayıcı neyronlar, xüsusən də somatostatini inhibə edən neyronlar zədələnir. Bu hüceyrələr sinir dövrələrində mühüm rol oynayır və onların itməsi Altsheymer xəstəliyinin inkişafına səbəb olan dəyişikliklərin əsasını təşkil edə bilər.
Həmçinin müəyyən edilib ki, REELIN geni bəzi neyronların həssaslığını artıra bilər, astrositlər isə beyin hüceyrələrini məhv olmaqdan qoruya bilər. Tədqiqat təsdiqləyib ki, kütləvi hüceyrələrin məhv edilməsi və iltihab kimi əsas dağıdıcı proseslər xəstəliyin sonrakı mərhələlərində baş verir.
Ancaq erkən mərhələdə dəyişikliklər tədricən və nəzərə çarpan simptomlar olmadan baş verir, bu da erkən diaqnozu çətinləşdirir.
Вернуться назад