Rusiyada 17 il əvvəlki cinayət barədə məlumata görə böyük mükafat verilir
12-08-2024, 14:43. Разместил: azadses
Oxu.Az NEWS.ru-ya istinadən xəbər verir ki, DİN 2007-ci ildə Pskov vilayətinin Velikiye Luki şəhərində yoxa çıxan uşaqlar haqqında məlumat üçün iki milyon rubl (təxminən 39 min manat) təklif edir.
İstintaqın məlumatına görə, təxminən 20 il əvvəl dərsdən sonra evə qayıdan 10 yaşlı 3 uşaq naməlum şəxslə rastlaşıb. O, özünü paytaxtdan gələn direktor kimi təqdim edib. Kişi kosmosdan bəhs edən filmə aktyorlar axtardığını deyib və uşaqları onunla ekran testinə gəlməyə dəvət edib. Uşaqlardan biri musiqi məktəbinə gecikdiyi üçün imtina edib. Digər iki uşaq isə razılaşıb və bundan sonra onları bir daha görən olmayıb. Polis adam oğurluğu maddəsi ilə cinayət işi açıb.
Üstündən illər keçsə də, cinayətin üstü hələ də açılmayıb. Lakin axtarışlar davam edir.
Rusiya
Вернуться назад