Nigerdə ABŞ-ın tərk edəcəyi aviabazaya artıq Rusiya hərbçiləri yerləşdirilib
3-05-2024, 10:30. Разместил: azadses
“Report” xəbər verir ki, bu barədə “Reuters” və “CNN” Pentaqondakı mənbələrə istinadən məlumat yayıb.
Onların sözlərinə görə, rusiyalılar aviabazada ayrıca anqardan istifadə edirlər. Bununla belə, telekanalın mənbələrindən biri qeyd edib ki, baza “o qədər də böyük əraziyə malik deyil”.
Agentlik müəyyən edib ki, ABŞ Niger hakimiyyətinə amerikalı işçilərin Rusiya hərbçiləri ilə birlikdə bazada ola bilməyəcəyini açıqlayıb.
Təxminən min Amerika əsgəri Nigerdə yerləşdirilib, onlar antiterror fəaliyyəti ilə məşğul olublar və yerli işçilərlə birlikdə ölkə ərazisində patrul həyata keçiriblər.
Keçən il ölkədə hərbi çevriliş baş verib, Vaşinqton bu hadisəni qanunsuz adlandırıb. Mart ayında Nigerin hazırkı rəhbərliyi problemi həll etmək üçün bir sıra cəhdlərdən sonra ABŞ kontingentinin ölkədən çıxarılmasını tələb edib, Vaşinqton isə bunu bir neçə ay ərzində etməyə razı olub.
ABŞ-ın 101 Hərbi Hava Bazası altı il əvvəl 110 milyon dollara tikilib.
Вернуться назад