Rusiyada müflislərin sayı kəskin artıb
7-03-2024, 08:00. Разместил: azadses
“Report” xəbər verir ki, bu barədə “Kommersant” yazıb.
Yanvarda Rusiyada 571 şirkət, fevralda 771 şirkət müflis elan edilib. 2023-cü ildə onların sayı müvafiq olaraq 364 və 478 olub. Beləliklə, 2024-cü ilin yanvar ayı üçün artım təxminən 57 %, fevral üçün isə 61 % təşkil edib.
Qeyd olunur ki, ölkədə korporativ müflislərin sayı 2021-ci ildən bəri ilk dəfə artmağa başlayıb. Hüquqşünasların fikrincə, ötənilki moratoriumun müflisləşmələrə təsiri tükənib və indi müflis şirkətlərin sayının artacağını gözləmək lazımdır. Onun qarşısını Ali Məhkəmənin təklif etdiyi borc limitinin 300 min rubldan 2 milyon rubladək artırılması ala bilərdi. Ancaq bu ideya da mübahisəli hesab edilir.
Вернуться назад