Sinqapurlu kişi 150 min dollar almaq üçün oğurlandığını uydurub
28-10-2023, 13:54. Разместил: azadses
Çen Szısyan adlı kişi dostlarını ona bu işdə kömək etməyə razı salıb. Təyin olunmuş gündə oğul anasına zəng edərək naməlum şəxslər tərəfindən qaçırıldığını və yalnız pul ödədikdən sonra buraxılacağını bildirib. O, bunun daha inandırıcı olması üçün bədənində göyərmə izləri qoyaraq şəkil çəkib və anasına göndərib.
Bundan sonra Szısyanı qaçıran rolunu oynayan dostlarından biri pulun tez bir zamanda köçürülməsi üçün dostunun anasını hədələməyə başlayıb. Lakin qadının bu qədər pulu olmayıb və o, yalnız 700 ABŞ dolları (1190 manat) verə bilib.
Hər şey plana uyğun getmədiyi üçün Çen evə qayıdıb və evdə onu artıq anasının qorxaraq çağırdığı polis əməkdaşları gözləyiblər. Kişi fırıldağını etiraf etməli olub və borclarını ödəmək üçün fırıldağa əl atdığını bildirib.
Szısyanla birlikdə onun dostları da həbs ediliblər. Onlar dələduzluq məqsədilə əlbir olmaqda ittiham edilirlər.
Mənbə: Motherhsip
Вернуться назад