Sudanın cənubunda tayfalararası toqquşmalarda 50 nəfərə yaxın insan ölüb
14-08-2023, 09:23. Разместил: azadses
“Report” xəbər verir ki, bu barədə bazar günü yerli KİV məlumat yayıb.
İki qəbilə arasında mal-qara oğurluğu üstündə toqquşmaların başladığı, indiyədək 47 nəfərin öldüyü bildirilir.
Məlumata görə, qarşıdurma davam edir, yerli sakinlər şəhəri tərk edir, yaralıların çoxunun vəziyyəti dərman çatışmazlığı səbəbindən ağırdır.
Bundan əlavə, bazar günü Nyala və paytaxt Xartumda Sudan ordusu və çevik reaksiya qüvvələri arasında atışma davam edib.
Aprelin ortalarında Sudanda silahlı münaqişə başlayandan bəri Darfur bölgəsi əsas müharibə teatrlarından birinə çevrilib.
Вернуться назад