Главная > Dünya > Alen Delonun baxıcısı aktyorun uşaqlarını zorakılıqda ittiham edib

Alen Delonun baxıcısı aktyorun uşaqlarını zorakılıqda ittiham edib

9-07-2023, 16:55. Разместил: azadses

Alen Delonun həyatında dəhşətli bir şey baş verir. Bu yaxınlarda aktyorun övladları onun baxıcısı Hiromi Rollandı ona qarşı zorakılıqda günahlandırıblar. Onlar bildiriblər ki, qadın ulduzun həssas vəziyyətindən istifadə edib və onun başqa insanlarla ünsiyyətinə mane olub.

“Le Figaro” qəzetinin məlumatına görə, Hiromi əks iddia qaldırıb.

Məlumata görə, Rolland təkcə faktlara etiraz etməyib, həm də aktyorun övladlarını zorakılıqda ittiham edib ki, bu da guya tibbi ekspertiza ilə təsdiqlənib. Qadın Alen Delonun evinə girmək istəyərkən ona qarşı güc tətbiq olunduğunu iddia edir. Lakin eyni zamanda, ulduzun ailəsi onun əraziyə daxil olmasını da qadağan edib. İndi məhkəmə bu işi həll etməlidir.
Xatırladaq ki, 2019-cu ildə Alen Delon Parisdəki Pitye-Salpetrier xəstəxanasında əməliyyat olunub. Orada üç həftə reanimasiya şöbəsində qalıb. Bundan sonra aktyorun övladları ona baxıcı tutublar. Lakin onlar səhv seçim ediblər. Vərəsələr qadının mənəvi təzyiq göstərdiyini, atalarının zəifliyindən istifadə etdiyini və yazışmalarına nəzarət etdiyini iddia edirlər.

Mənbə: peopletalk.ru

Вернуться назад