Danilov: Getdikcə daha çox ölkədə Rusiya agenturası zərərsizləşdirilir
9-06-2023, 12:07. Разместил: azadses
“Report” xəbər verir ki, bu barədə MTMŞ-nin katibi Ukrayna Radiosuna müsahibəsində bildirib.
“Rusiya təbliğatı bir vaxtlar, demək olar ki, bütün ölkələrin ərazisində çox güclü işləyirdi. Üstəlik, o hamıya sübut edirdi ki, bizim dövlətimiz Rusiyanın həyata keçirəcəyi hücuma tab gətirmək bacarığına malik deyil. Hər şeyin başladığı 2022-ci ilin fevralı və mart ayının əvvəlində bir çox ölkə hadisələri və bunların necə bitəcəyini “köşədən” izlədi”, - Danilov qeyd edib.
O vurğulayıb ki, Ukrayna müqavimət göstərməyə, həmçinin müəyyən uğurlar əldə etməyə başlayan kimi, getdikcə daha çox yardım alıb:
“Deyə bilərəm ki, tərəfdaş ölkələrdən 2022-ci ilin mart-aprel-may aylarında olan yardımla 2023-cü ilin mart-aprel aylarında gəlməyə başlayan yardım tamam başqa səviyyədir”.
MTMŞ katibi getdikcə daha çox ölkədə Rusiya agenturasının ifşa olunduğuna diqqət çəkib:
“Yəni son vaxtlar çoxlu proseslər gedir, bu sahədə getdikcə daha çox ölkə öz ərazilərində “təsir agentləri” adlandırılan Rusiyaya işləmiş casuslar tapır. Əgər şərti olaraq, bir il, iki-üç il keçmişdə baş verənləri və indi baş verənləri təhlil etsək, bu sahədə böyük dəyişikliklərdir”.
Вернуться назад