Norveç Milli Qvardiyası Ukrayna Silahlı Qüvvələrinin hərbçilərinə təlim keçəcək
26-04-2023, 11:13. Разместил: azadses
Bu barədə “Report” Ukrayna Silahlı Qüvvələrinin Baş Qərargahına istinadən xəbər verir.
Qeyd edilir ki, bu təlim döyüş meydanına yaxşı motivasiyalı və təlim keçmiş hərbçi göndərmək məsələsində Ukraynanın Rusiyadan üstünlüyünü artıracaq. Təlim Ukrayna hərbçilərinin dörd intensiv həftə ərzində Norveçdə yüksək keyfiyyətli peşəkar təlim keçəcəyi bir neçə kursdan birincisidir.
Təlimatçıları işə götürən və təlim üçün lazım olan hər şeyi hazırlayan polkovnik Yens bildirib ki, ukraynalı əsgərlər Milli Qvardiya və Norveç Silahlı Qüvvələrinin peşəkar, ixtisaslı təlimatçıları ilə görüşmək imkanı əldə edəcək və onlara keyfiyyətli təlim keçəcəklər.
"Təlim yeri artıq yaşayış və məskunlaşma yerləri hazırdır. Mətbəx Ukrayna yeməklərindən ibarətdir, təlim meydançasında - səngərlərdə və istehkamlarda müvafiq döyüş mühiti yaradılıb", - polkovnik bildirib.
Bundan əlavə, Norveçin müdafiə naziri Byorn Arild Qram Ukrayna hərbçilərinin Norveçdə olduqları müddətdə onlara yaxşı qayğı göstəriləcəyini qeyd edib.
Вернуться назад