Çin ordusu PUA-lardan istifadəni genişləndirir
3-04-2023, 10:42. Разместил: admin
Çinin Quru Qoşunları Komandanlığı döyüş dronlarından daha geniş miqyasda istifadə etmək niyyətində olduğunu açıqlayıb.
İki illik ilkin hazırlıqdan sonra komandanlıq PUA operatorları üçün təlim kursları təşkil edib.
Məlumata görə, onların öyrəndiyi fənlər “faktiki döyüş ssenariləri ilə sıx bağlıdır”.
Qeyd olunur ki, PUA operatorları üçün yeni sertifikatlaşdırma sistemi Çin Quru Qoşunlarının “bu hərbi ixtisasın nümayəndələrinin təlim və bacarıqlarının qiymətləndirilməsini standartlaşdırmaq” üçün ilk addımıdır.
Bildirilir ki, operator olmaq üçün onlayn kurslar keçmək, nəzəriyyə imtahanından keçmək və sonra dronlardan istifadə etmək üçün müəyyən sayda saat məşq etmək lazımdır. Praktiki imtahana missiyanın planlaşdırılması, uçuş və eniş, döyüş tapşırıqları, PUA-nın bazaya qayıtması daxildir. Bundan əlavə, dəyişən tapşırıqlara cavab vermək bacarığı nümayiş etdirilməlidir.
İlk sınaq artıq keçən həftə Çinin şimal-qərbində yerləşən poliqonda baş tutub. 100 nəfərdən yalnız 46-sı imtahandan keçib. Onlar mülki sahədə pilotsuz uçan aparatları idarə etməyə icazə verən sertifikat alıblar.
Вернуться назад