Yeni Zelandiyanın yeni Baş naziri o olacaq
21-01-2023, 10:42. Разместил: admin
Yeni Zelandiyanın təhsil naziri Kris Hipkinz Leyboristlər Partiyasının yeni lideri vəzifəsinə yeganə namizəddir və seçildikdən sonra ölkənin Baş naziri vəzifəsini tutacaq.
“Qafqazinfo” TASS-a istinadən xəbər verir ki, bu barədə siyasi təşkilatın nümayəndəsi Dunkan Uebb bildirib.
Onun sözlərinə görə, partiyadaxili seçkilər yanvarın 22-də keçiriləcək.
Yeni Zelandiya qanunvericiliyinə görə, son seçkilərdə parlamentdə yerlərin əksəriyyətini qazanan partiyanın lideri ölkənin Baş naziri olur. 2020-ci ilin oktyabrında ölkədə keçirilən seçkilərin nəticələrinə görə, Leyboristlər Partiyasından olan deputatlar parlamentdə 120 yerdən 64-nü tutur və hazırkı lider Casinda Ardern partiyanın qurduğu hökumətə rəhbərlik edir. İstefasını elan edən Ardernin yerinə seçilən leyboristlərin yeni rəhbəri onu avtomatik olaraq Baş nazir vəzifəsinə əvəz edəcək.
Xatırladaq ki, Casinda Ardern gözlənilmədən istefa verib. Siyasətçinin sözlərinə görə, artıq ölkəni idarə etməyə gücü yoxdur. Ardern fevralın 7-dən gec olmayaraq vəzifəsini tərk edəcəyini bildirib.
Вернуться назад