Bu il Ukraynada həlak olan və itkin düşən azərbaycanlıların sayı AÇIQLANDI - VİDEO
18-01-2023, 16:18. Разместил: admin
Ukraynada müharibə davam edir.
Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.
O bildirib ki, Donetsk və Baxmut istiqamətində ağır döyüşlər davam edir.
“Rusiya ordusu separatçılarla birlikdə nə qədər cəhd etsə də, Soledarı ələ keçirə bilmir”, - deyə jurnalist əlavə edib.
Qeyd edilib ki, Dneprdə raket hücumuna məruz qalan yaşayış kompleksinin dağıntıları altından hələ də həlak olan insanların meyitləri tapılır.
M.Aslanov 2023-cü ildə itkin düşən və həlak olan azərbaycanlılarla bağlı da məlumat verib:
“Donetsk və Xerson vilayətlərində yanvar ayı ərzində 4 azərbaycanlı itkin düşüb, 6 nəfər isə həlak olub. Ümumilikdə isə müharibə müddətində həlak olan həmyerlilərimizin sayı 35, itkin düşənlərin sayı isə 65-dir”.
Вернуться назад