Ukrayna blokadadan çıxarılmış limanlardan gəmiləri yola salacaq
23-07-2022, 13:19. Разместил: admin
“Hər üç liman iki həftə ərzində işə başlayacaq. İlk açılacaq liman Çernomorsk, sonra Odessa, sonra Yujnı olacaq”.Bu barədə Ukrayna İnfrastruktur Nazirliyi açıqlama verib.
Bildirilib ki, bir neçə gün ərzində Ukrayna Dəniz Limanları Administrasiyası gəmilərin giriş-çıxışının necə həyata keçiriləcəyi ilə bağlı maraqlı tərəfləri məlumatlandıracaq:
“İndi Ukraynanın hərbi dəniz qüvvələri və silahlı qüvvələri müvafiq sxemin razılaşdırılması üzərində çalışırlar”.
“Həm gəmi sahibləri, həm də sığortaçılar dəhlizin təhlükəsiz işlədiyini görəndə biz liman terminallarını taxıl və digər məhsulların ixracı ilə bağlı tam yükləmək üçün lazımi sayda gəmi alacağıq”, - deyə İnfrastruktur Nazirliyindən bildirilib.
Вернуться назад