Rusiya Müdafiə Nazirliyi 50 min sink tabut sifariş edib? - FOTO
15-02-2022, 16:49. Разместил: admin
Rusiya Müdafiə Nazirliyinin cari ilin fevralın 25-dək 50 min sink tabut alacağı iddia olunur.Bu barədə sosial şəbəkədə yayılmış sənəddə qeyd olunub.
Sözügedən sənəddə Rusiyanın Dəfn Təşkilatları və Krematorilər İttifaqı qeyri-hökumət təşkilatı Müdafiə Nazirliyinə müraciət edərək sifariş olunan sayda tabutun müqavilədə göstərilən vaxtda (06.12.2021) çatdırılmasını təmin edə bilməyəcəyini göstərib. Təşkilat buna səbəb kimi pandemiya şəraiti ilə əlaqədar məhdudiyyətləri qeyd edib və son tarixin 25 fevrala qədər uzadılmasını istəyib.
Sözügedən sənədin saxta olması ehtimalı da istisna edilmir. Lakin müvafiq paylaşım sürətlə yayılıb. Bir çox sosial şəbəkə istifadəçisi Rusiyanın Ukraynaya mümkün hücumu zamanı itkilərini nəzərə alaraq bu cür addım atdığını düşünüb.
Вернуться назад