Ermənistanda sabiq nazir və daha 300 nəfərin milyonlarla dollarlıq cinayəti araşdırılır
5-02-2022, 12:28. Разместил: azadses
Ermənistanın Baş Prokurorluğu qanunsuz əmlakın müsadirəsi ilə bağlı 4 cinayət işi üzrə istintaqı yekunlaşdıraraq məhkəməyə təqdim edib.“Report” xəbər verir ki, bu barədə Ermənistan Respublikası Baş prokurorunun Srbuhi Qalyan OTA-ya müsahibəsində bildirib.
"Biz 300 nəfərə qarşı işlərə baxırıq, gəlirlərin qanuniliyini yoxlamaq üçün müxtəlif orqanlara çoxlu sayda müraciətlər edilib", - Qalyan deyib.
Onun sözlərinə görə, 4 vətəndaşla bağlı iş yekunlaşaraq məhkəməyə göndərilib, daha 10 iş üzrə isə istintaq yekunlaşmadan əvvəlki (ümumiləşdirmə) mərhələsindədir.
“Bu 4 işdən üçündə keçmiş məmurlar – Ermənistanın keçmiş ekologiya naziri, keçmiş polis rəisi, və Milli Təhlükəsizlik Xidmətinin sabiq zabiti var. Söhbət həm daşınmaz əmlakdan, həm də daşınar əmlakdan gedir”, - Baş prokurorun müavini deyib.
Belə ki, keçmiş ekologiya naziri Aram Arutyunyanın işində 30 milyon ABŞ dolları, keçmiş polis rəisi Vladimir Qasparyanın işində 5 milyon dollar, Milli Təhlükəsizlik Xidmətinin zabiti Serob Arutyunyanın işində 1 milyon dollar pul vəsaitləri görünür.
Qalyan istintaqın sirrini nəzərdə tutaraq, bu 300 iş üzrə təqsirləndirilən şəxslər arasında konkret adların çəkilməsindən imtina edərək, yalnız onların böyük əksəriyyətinin keçmiş məmurlar olduğunu, lakin hazırkı məmurların, deputatların, tanınmış siyasətçilərin və onların qohumlarının da olduğunu bildirib.
"İstintaq başa çatana qədər bu məlumat açıqlanmır və istintaq başa çatdıqdan sonra məlumatlar açıq hesab olunur və məhkəmələr açıq rejimdə keçiriləcək", - Qalyan əlavə edib ki, cinayət işi baş verəcəyi təqdirdə təqsirli hökmü, əmlakı dövlət lehinə müsadirə olunacaq.
Вернуться назад