Qalmaqal yaradan “Krım Rusiyanındır” açıqlamasına görə istefa verdi
23-01-2022, 13:30. Разместил: admin
Vitse-admiral Kay-Axim Şönbax Almaniyanın Hərbi-Dəniz Qüvvələrinin komandanı vəzifəsindən istefa verməyi qərara alıb.“Azadsəs.az” xəbər verir ki, bu barədə DPA məlumat yayıb.
Bildirilib ki, AFR-in Müdafiə Nazirliyi Şönbaxın səsləndirdiyi “Krım heç vaxt Ukraynanın tərkibinə qayıtmayacaq” bəyanatı ilə razı olmadığını bildirib.
Müdafiə Nazirliyinin nümayəndəsi deyib:
“Bu fikirlər öz məzmununa görə Nazirliyin mövqeyinə əsla uyğun deyil”.
Bundan sonra vitse-admiralın istefa verməsini elan etməkdən başqa çarəsi qalmayıb. Kay-Axim Şönbax öz karyerasına son qoymuş müsahibəni Hindistana səfəri zamanı verib. O, hindistanlı həmkarları qarşısında çıxışında deyib:
“Putinə anlayış göstərilməlidir. Krım yarımadası itirilib, o heç vaxt qayıtmayacaq”.
Az sonra məlum olub ki, Almaniya səfiri bu məsələyə dair izahat vermək üçün Ukraynanın Xarici İşlər Nazirliyinə çağırılıb.
Вернуться назад