Hindistanda baş verənlər soyqırımı kimi qiymətləndirildi
6-05-2021, 08:23. Разместил: azadses
Hindistanda baş verənlər soyqırımı kimi qiymətləndirildiXəstəxanalarda koronavirus infeksiyası olan xəstələrin çox sayda ölümünə səbəb olan tibbi oksigen çatışmazlığını yerli hakimiyyət orqanlarının soyqırımı ilə müqayisə etmək olar.
NDTV-nin məlumatına görə, bu barədə Hindistanın Allahabad Yüksək Məhkəməsinin hakimləri bəyan ediblər.
“Koronavirus xəstələrinin ancaq oksigen çatışmazlığı səbəbiylə ölməsi, maye tibbi oksigenin davamlı tədarükünü təmin etmək vəzifəsi alanlar tərəfindən törədilən soyqırımıdır”, - deyə hakimlər bildirib.
“Elmin ürək transplantasiyası və beyin əməliyyatları aparacaq qədər inkişaf etdiyi dövrdə insanlarımızın belə faciəvi şəkildə həyatlarını itirməsinə necə imkan verə bilərik?” – deyə məhkəmə sədrləri əlavə ediblər.
Bundan əvvəl Delhi Yüksək Məhkəməsi ölkə hökumətini dilənmək, borc götürmək, oğurlamaq, oksigen idxal etməklə olsa belə vətəndaşların nəfəs almasına kömək edəcək bir yol tapmağa çağırmışdı.
Qeyd edək ki, Hindistanda koronavirusa yoluxma hallarının sayı gündə 300 mindən çox artır. Tibb müəssisələri kəskin oksigen və dərman çatışmazlığı yaşayır.
Вернуться назад