“Apple” şirkətinin icraçı direktoru Tim Kuk bu vəzifədə daha 10 il qalacağına şübhə ilə yanaşıb.
“The New York Times”ın məlumatına görə, bu barədə o, göstərilən müddətdə “Apple”a rəhbərlik edib-etməyəcəyi sualını cavablandırarkən bildirib.
“Daha 10 il. Yəqin ki, yox”, - deyə icraçı direktor bildirib.
O əlavə edib ki, hazırda bu vəzifədən ayrılacağı konkret tarix hələ bilinmir.
Kuk “Apple” direktoru vəzifəsindən ayrıldıqdan sonra nə edəcəyi barədə heç bir fikri olmadığını qeyd edib.
“Bu şirkəti o qədər çox sevirəm ki, həyatımı onsuz təsəvvür etmək çətindir”, - deyə icraçı direktor vurğulayıb.