Qarabağın Ermənistana vurduğu zərbə - Fevraldan etibarən...
13-01-2021, 09:49. Разместил: azadses
Ermənistanda elektrik enerjisinin qiyməti artacaq.''Azad Səs'' Publika.az-a istinadən xəbər verir ki, bu barədə Enerji Təhlükəsizliyi İnstitutunun direktoru Vahe Davtyan bildirib.
Onun sözlərinə görə, Qarabağdan gələn elektrik enerjisindən məhrum olan Ermənistan enerji qıtlığı ilə üzləşəcək. Üstəlik, 2021-ci ildə atom elektrik stansiyasında əsaslı təmir işləri aparılmalıdır. Bu da daha az elektrik enerjisi istehsalı deməkdir.
Beləliklə, bu boşluğu doldurmaq üçün istilik stansiyaları daha bahalı enerji təmin etməlidir: “Müharibədən əvvəl Qarabağ ildə 800-850 milyon kilovat-saat enerji idxal edirdi, indi bu yoxdur. Ermənistan Qarabağdan ucuz elektrik enerjisi idxal edə bilməyəcək (2020-ci ildə idxal həcmi 330 milyon kilovat-saat olub). Bunun əvəzinə istilik elektrik stansiyalarında daha bahalı elektrik enerjisi istehsalını artırmaq məcburiyyətində qalacaq. Onların köməyi ilə bu il 140 gün ərzində tam və ya qismən təmirdə olacaq atom elektrik stansiyasında yaranacaq elektrik çatışmazlığını örtmək lazımdır.
İstilik elektrik stansiyalarında maya dəyəri də böyüyüb, çünki 2020-ci ilin iyulundan etibarən iri müəssisələr üçün qaz tarifləri (təxminən 6%) artıb, bu da erməni dramına qarşı 7-8% bahalaşan dolların məzənnəsinə bağlıdır”.
Beləliklə, Ermənistanda 1 fevraldan etibarən ayda 400 kilovat-saatdan çox elektrik enerjisi istehlak edən hər kəs üçün tarif kilovat-saatda 3 dram (7-10%) artacaq.
Qeyd edək ki, Ermənistan Qarabağda ümumi gücü 187,5 meqavat olan 36 su elektrik stansiyasını işlədirdi. Bunlardan ən böyüyü 50 meqavat gücündə olan Sərsəng SES idi.
Вернуться назад