Astanada MDB Dövlət Başçıları Şurasının iclası keçirilib - YENİLƏNİB + FOTO/VİDEO

Oktyabrın 14-də Astanada Müstəqil Dövlətlər Birliyi (MDB) Dövlət Başçıları Şurasının iclası keçirilib.

AZƏRTAC xəbər verir ki, Azərbaycan Respublikasının Prezidenti İlham Əliyev iclasda iştirak edib.

İclasda iştirak edən dövlət və hökumət başçıları birgə foto çəkdiriblər.

Əvvəlcə MDB Dövlət Başçıları Şurasının məhdud tərkibdə iclası keçirilib.

Qazaxıstan Respublikasının Prezidenti Kasım-Jomart Tokayev iclası açıq elan edib.

MDB İcraiyyə Komitəsinin sədri – icraçı katibi Sergey Lebedev gündəlikdə duran məsələlər barədə məlumat verib.

Azərbaycan Prezidenti İlham Əliyev iclasda çıxış edib.

Sonra MDB Dövlət Başçıları Şurasının iclası işini geniş tərkibdə davam etdirib.

İclasda çıxış edən MDB İcraiyyə Komitəsinin sədri – icraçı katibi Sergey Lebedev MDB Dövlət Başçıları Şurasına sədrliyin Qırğızıstana keçdiyini bildirib.

Qazaxıstan Prezidenti Kasım-Jomart Tokayev “Mir” Teleradio Şurasının sədri Radik Batırşini MDB-nin diplomu ilə təltif edib.

İclasda MDB-nin icraçı katibi vəzifəsinin adı dəyişdirilərək baş katib adlandırılıb. MDB İcraiyyə Komitəsinin sədri–icraçı katibi Sergey Lebedev baş katib vəzifəsinə seçilib.

Daha sonra sənədlər imzalanıb.

Bununla da Müstəqil Dövlətlər Birliyi (MDB) Dövlət Başçıları Şurasının iclası başa çatıb.

12:01

Azərbaycan Prezidenti İlham Əliyev Astana şəhərində keçirilən MDB Dövlət Başçıları Sammitində çıxış edib.

Bu barədə AZƏRTAC məlumat yayıb.

İclas işini geniş tərkibdə davam etdirir.

09:40

Qazaxıstanın Astana şəhərində keçirilən MDB Dövlət Başçıları Sammitində müzakirə olunacaq məsələlər açıqlanıb.

Bu barədə sammitin açılışında Qazaxıstan Prezidenti Kasım-Jomart Tokayev bildirib.

Onun sözlərinə görə, MDB liderləri sammitdə humanitar əməkdaşlıq və təhlükəsizliyin təmin olunması kimi məsələlər ətrafında fikir mübadiləsi aparacaqlar.