Lüksemburqda “Kiyev bulvarı” olacaq

Lüksemburq bələdiyyəsi 3 nömrəli yeni küçəyə Ukraynanın paytaxtı Kiyev şəhərinin şərəfinə “Kiyev bulvarı” adının veriləcəyini açıqlayıb.

Bu barədə Lüksemburqun Ukrayna icmasının müraciətində deyilir.

İlkin olaraq Şəhər Şurası bulvarın fransız orfoqrafiyasına uyğun olaraq “Boulevard de Kiyev” adlandırılmasına qərar verib. Lakin bu, yerli əhali arasında müzakirələrə səbəb olub və Ukrayna ictimaiyyəti tərəfindən son dərəcə mənfi qarşılanıb.

“Nəticədə Lüksemburq Şəhər Şurası xalqın istəklərini dinləyib və “LUkraine asbl” Lüksemburq Ukraynalıları Assosiasiyası və Ukrayna icmasının mövqeyini nəzərə alıb. Lüksemburq Şəhər Bələdiyyəsi yeni qərar qəbul edib. №3 estakadanın tam adı “Boulevard de Kyiv, Capitale de l'Ukraine” (Kiyev bulvarı, Ukraynanın paytaxtı) olacaq”, - deyə məlumatda qeyd edilir.

Xatırladaq ki, Prezident Volodimir Zelenski Rusiyanın tammiqyaslı işğalının ilk günlərindən ölkəsinin Ukraynaya göstərdiyi köməyə görə Lüksemburqun Baş naziri Ksavye Betelə minnətdarlığını bildirib.

“Biz daim əlaqə saxlayırdıq və Lüksemburq bizə daim kömək edirdi... Mən xalqımız adından çox minnətdaram və sizə ətraflı deyim: Lüksemburq müdafiə büdcəsinin 15%-ni müdafiəçilərimizə ayırıb”, - deyə Prezident vurğulayıb.