Nazirlər toplaşır - Ərdoğan bu gün xalqa müraciət edəcək
- 28-12-2020, 10:32
- Dünya
Bu gün Türkiyə Nazirlər Kabineti Prezident Rəcəb Tayyib Ərdoğanın rəhbərliyi ilə növbəti iclasına toplaşacaq.''Azad Səs'' Publika.az-a istinadən xəbər verir ki, iclasın gündəmi 31 dekabr - 4 yanvar tarixlərində qüvvəyə minəcək küçəyə çıxma qadağasıdır.
Bundan başqa, risk qrupunda olan səhiyyə işçiləri və 65 yaşdan yuxarı şəxslərə vaksinasiyanın tətbiqi təqvimi də müzakirə ediləcək.
Digər gündəm məsələ Türkiyənin xarici siyasətindəki irəliləyişlər olacaq. Müdafiə naziri Hulusi Akar da çıxış edəcək.
İclasda qəbul edilən qərarlar Prezident Rəcəb Tayyib Ərdoğanın “Xalqa müraciət” çıxışında açıqlanacaq.
