Oktyabrın 15-dən sonra Azərbaycanda bu məhsullar bahalaşacaq - AÇIQLAMA
18-09-2020, 10:15. Разместил: azadses
Bu gün bir çox iqtisadi ekspertlər oktyabrın ikinci yarısından sonra qida məhsullarında bahalaşma olacağı ilə bağlı iddialar səsləndirir. Həmin vaxt hansı məhsulların qiymətində bahalaşma olacağı gözlənilir?Bununla bağlı KONKRET.az-ın sualını cavablandıran iqtisadçı ekspert Rəşad Həsənov oktyabrın 15-də mövsümün başa çatdığını bildirib.
“Buna görə də xüsusilə kənd təsərrüfatı məhsullarında qiymət artımı olacaq. Digər istiqamətlərdə qiymət artımını şərtləndirən səbəb yoxdur. Çünki alıcılıq qabiliyyəti çox aşağıdır. Amma buna baxmayaraq dünya bazarlarında, istehsalatlarında, dəyər zəncirinin tədarük və təchizat halqalarında yaranan fasilələr müəyyən qiymət artımına səbəb olub. Azərbaycan idxalçı ölkə olduğuna görə bu məhsulların daxili bazarda bahalaşması gözlənilir. Əsas qiymət artımını da biz kənd təsərrüfat məhsullarında müşahidə edəcəyik”.
Вернуться назад