Ayxan Hacızadə: “İsraildəki səfirliyimiz fasiləsiz fəaliyyət göstərir”
9-10-2023, 16:06. Разместил: azadses
Bunu “Report”a açıqlamasında Azərbaycan Xarici İşlər Nazirliyinin sözçüsü Ayxan Hacızadə deyib.
O bildirib ki, hazırda Təl-Əvivdə əhali küçəyə çıxmır: “Səfirlik daim vətəndaşlarımızla təmasdadır. İş prosesi davam edir”.
A.Hacızadənin sözlərinə görə, vətəndaşlarımızın həlak olması və ya yaralanması ilə bağlı səfirliyə məlumat daxil olmayıb.
Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Nəticədə 700-dən çox adam ölüb, 2 315 nəfər yaralanıb. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını bildirib.
Вернуться назад