ETSN polietilen torbaların ödənişli olması məsələsinə aydınlıq gətirib
10-02-2023, 19:04. Разместил: admin
“Biz düşünürük ki, polietilen torbaların ödənişli olması onlardan istifadəni azaldacaq”.
APA xəbər verir ki, bunu ekologiya və təbii sərvətlər nazirinin müşaviri Rasim Səttarzadə deyib.
Onun sözlərinə görə, bu məsələdə beynəlxalq təcrübə nümunə götürülüb.
Polietilen torbaların ödənişli olması 2021-ci il iyulun 1-dən nəzərdə tutulub:
“Polietilen torbaların ödənişli olması ilə bağlı qərar bir müddət bundan əvvəl verilib. Qərara əsasən, 2021-ci il iyul ayının 1-dən polietilen torbaların ödənişli olması nəzərdə tutulsa da, təəssüf ki, bu günə kimi müvafiq qurumlar tərəfindən bu qərara riayət edilmir. Lakin biz düşünürük ki, tez bir zamanda buna başlanılacaq. Amma bunun nə zaman başlaması ilə bağlı məsələ ETSN-in səlahiyyətində deyil”.
Вернуться назад