Kürdəmirdə məktəbli qız nişanlandı: Polis hərəkətə keçdi
17-11-2022, 08:32. Разместил: admin
Kürdəmir rayonunda 16 yaşlı qıza nişan mərasimi keçirilib.Bu barədə “Azərbaycan Uşaqlar Birliyi”nin sədri Kəmalə Ağazadə məlumat verib.
Daxili İşlər Nazirliyinin Mətbuat Xidmətinin Şirvan regional qrupunun baş inspektoru, polis kapitanı Nizam Həmidov Oxu.Az-a açıqlamasında bildirib ki, faktla bağlı Kürdəmir Rayon Polis Şöbəsinin əməkdaşları tərəfindən bütün tədbirlər icra olunur:
“Araşdırmalar zamanı qızın 16 yaşının olması müəyyənləşib. Polis əməkdaşları məktəblinin valideynləri ilə izahedici söhbətlər aparıblar və qeyd olunan halın hüquqazidd olması onların diqqətinə çatdırılıb.
Valideynləri isə ailə daxilində kiçik bir mərasimin keçirildiyini etiraf edərək, övladlarının hazırda onlarla birlikdə yaşadığını, yalnız 18 yaşı tamam olduqdan sonra oğlan toyunun keçiriləcəyini bildiriblər”.
Вернуться назад