At əti satan şəxs ƏLƏ KEÇDİ: 110 kiloqram yararsız məhsul müsadirə edildi - VİDEO
30-07-2022, 18:43. Разместил: admin
Bərdə rayonunda at əti satışının qarşısı alınıb.Bərdə Rayon Polis Şöbəsinin əməkdaşları tərəfindən daxil olan məlumat əsasında keçirilən əməliyyat-axtarış tədbirləri nəticəsində qanunsuz at ətinin satışı ilə məşğul olan şəxs saxlanılıb. Bərdə şəhərinin Səməd Vurğun küçəsində yaşayan, 1979-cu il təvəllüdlü Babayev Rövşən Qinyaz oğlu gizlin şəkildə yaşadığı evin həyətyanı sahəsində 2 baş atı kəsərkən tutulub.
Ondan 110 kq at əti müsadirə olunub və Qida Təhlükəsizliyi Agentliyinin Bərdə rayon şöbəsinə təhvil verilib. Ət müayinə olunmaq üçün laboratoriyaya göndərilib.
Qeyd edək ki, Rövşən Babayev 2019-cu ildə at ətini satmaq üçün Bakıya apararkən tutulub.
Faktla bağlı Bərdə Rayon Polis Şöbəsində araşdırma aparılır.
Daha ətraflı Baku TV-nin süjetində:
Вернуться назад