Türkiyədə müalicə alan 10 qazi Azərbaycana qayıtdı: Daha iki nəfər müalicəyə göndərildi - FOTO
25-07-2022, 21:47. Разместил: admin
Qazilərimizin müalicə prosesi “YAŞAT” Fondu tərəfindən davam etdirilir.Fonddan verilən məlumata görə, Türkiyədə müalicə alan qazilərimiz Məmmədov Şəmsi Lətif oğlu, Qocayev Emil Azər oğlu, Tağıyev Nurlan Əliağa oğlu, Qələndərli Cavad Rəşad oğlu, Osmanov Zamir Şakir oğlu, Qədirli Alı Azər oğlu, İbrahimov Samurat Nuru oğlu, Orucov Samir Surxay oğlu, Mabudlu Şaban Baloğlan oğlu və müayinə üçün Türkiyəyə göndərilən qazimiz Dadaşov Ənibəy Xanıbəy oğlu ölkəmizə geri qayıdıblar.
Onlardan altısı 1 ildən artıq müddətdir ki, Türkiyədə müalicə alıb.
Ağır yaralanan qazilərimiz Səmədov Elnur Qalib oğlu və Əhmədov Ceyhun Məlikşah oğlu müalicə məqsədilə Türkiyəyə göndəriliblər.
Bildirilib ki, “YAŞAT” Fondu qazilərimizin müalicəsini tam yekunlaşana qədər nəzarətdə saxlayacaq. Fond tərəfindən həkim rəyi əsasında ağır yaralı olan qazilərimizin müalicə üçün xaricə davamlı şəkildə göndərilməsi təmin edilir.
Xatırladaq ki, bu günə qədər 172 qazimiz müalicə üçün Türkiyəyə göndərilib. Onlardan 149-nin müalicə proseduru artıq uğurla yekunlaşıb və Vətənə qayıdıblar. Qazilərimizin qarşıdakı aylarda müalicəsi üçün nəzərdə tutulan dərman vasitələri də Fond tərəfindən təmin edilib.
Вернуться назад