Nuşirəvan Məhərrəmli: "ANS ÇM"-dən sonra tezlik boş qalmışdı"
13-11-2019, 16:58. Разместил: azadses
Bildiyiniz kimi ümumrespublika radio kanalının açılması üçün Bakı və Abşeron ərazisində 102,0 MHz tezliyinə müsabiqə elan olunması barədə qərar qəbul edilib”.Azadses xəbər verir ki, bunu APA-ya Milli Televiziya və Radio Şurasının (MTRŞ) sədri Nuşirəvan Məhərrəmli deyib.
“ANS ÇM” radiosu bağlanandan sonra həmin tezlik boş qalmışdı. Ona görə də Şurada bununla bağlı qərar qəbul edildi. Yeni radio universal xarakterli olacaq. Hesab edirik ki, buna ehtiyac var. Milli Televiziya və Radio Şurasının apardığı əsas işlərdən biri də budur ki, dövlətə məxsus tezlik resurslarından səmərəli istifadə edilsin. Şura yaranandan sonra bu istiqamətdə xeyli iş görülüb və tezliklərin əksəriyyəti artıq istifadə olunur”, - deyə MTRŞ sədri vurğulayıb.
Qeyd edək ki, MTRŞ “Tеlеviziya və radiо yayımı haqqında” Qanunun 15-ci maddəsinin tələblərini rəhbər tutaraq ümumrespublika radio kanalının açılması üçün Bakı şəhəri və Abşеrоn yarımadası ərazisində 102,0 MHz işçi tezliyə müsabiqə elan edib. Müsabiqə üçün tələb оlunan sənədlər 12 noyabrdan 12 dekabradək (şənbə və bazar günləri istisna оlmaqla) MTRŞ-nın inzibati binasında saat 10:00-dan 18:00-dək qəbul еdilir.
Вернуться назад