“Riteyl Bankirlər Məktəbi”nin məzunları AccessBank-da işə başladılar
17-03-2022, 16:15. Разместил: admin
AccessBank-ın “Retail Bankers School” (Retail Bankirlər Məktəbi) layihəsinin məzunları Bankın əməkdaşları qismində fəaliyyətə başlayıblar. Onlardan 2-si Bankın region- Qazax və Salyan, digər 12 nəfəri isə Bakı şəhəri üzrə müxtəlif filiallarında işləyir.Aytən İsmayılova: “Azərbaycan Dövlət İqtisad Universitetində Biznesin təşkili üzrə magistr təhsili alıram. “Retail Bankers School” haqqında elanı AccessBank-ın sosial media hesabında gördüm, müraciət etdim. İxtasasıma uyğun sahədə işləməyi çoxdan arzulayırdım. Ona görə tədris və təcrübə dönəmində əlimdən gələni etdim ki, seçilənlər sırasına düşə bilim. Artıq Azadlıq filialında işləməyə başlamışam. İnanıram ki, Bankda daha böyük uğurlarım hələ qabaqdadır”.
Mustafa Mustafayev: “Bakı Dövlət Universitetinin məzunuyam. İş axtarışında idim. Xəbər saytında AccessBank-da layihənin başladığını oxudum. Müraciət etdim, seçildim, proqramda iştirak etmək üçün Bakıya çağırdılar. Layihə ərzində bankçılıq haqqında təlimlərdə iştirak etdim, müxtəlif filiallarda təcrübə keçdim. İndi doğma Qazaxda – Bankın region filialında fəaliyyətə başlamışam. Belə layihələr region gəncləri üçün də stimul olur. 3 aylıq bankçılıq təlimi keçməklə elə öz rayonunda da işlə təmin olunursan”.
AccessBank təcrübəsiz gənclərə iş şansı vermək ənənəsinə sadiqdir. Bank tarixi boyu təcrübəsiz, yeni məzun olmuş gənclərin yanında olub. Hazırda AccessBank-da rəhbər vəzifələrdə çalışan əksər əməkdaşlar Banka heç bir təcrübələri olmadan, universitetdən yeni məzun olaraq gəliblər. Burada püxtələşib, professionallaşıblar. “Retail Bankers School” (Retail Bankirlər Məktəbi) layihəsinin əsas məqsədi də gəncləri bankçılığa cəlb etmək, yeni liderlər yetişdirmək və onları işlə təmin etməkdir.
AccessBank Azərbaycanda mikromaliyyələşdirmə lideri olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 15-i Bakıda, 14-ü bölgələrdə olmaqla 29 filialı fəaliyyət göstərir.
Bankın xidmətləri haqqında məlumat əldə etmək üçün 151 əlaqə mərkəzinə zəng etmək, həmçinin https://www.accessbank.az saytına, və ya bankın sosial media hesablarına (Facebook, Instagram, LinkedIn) daxil olmaq olar.
Вернуться назад