Bakıda itkin düşən qızın anası danışdı: “Onu kimsə aldadıb aparıb”
22-05-2021, 13:30. Разместил: azadses
Bakıda 17 yaşlı qız itkin düşüb.Bu barədə məlumat sosial şəbəkələrdə yayılıb.
Məlumata görə, Bakının Səbail rayonu, Bayıl qəsəbə sakini, 2004-cü il təvəllüdlü Əliyeva Leyla Rauf qızı mayın 20-də səhər saatlarında evdən çıxıb və bir daha geri qayıtmayıb.
L.Əliyevanın anası Rəisə Əliyevə Oxu.Az-a açıqlamasında bildirib ki, qızı evdən çıxarkən onu görməyib:
“Səhər gördüm ki, qızım qapını açıq qoyub gedib. Ona zəng edən zaman “Məni narahat etməyin, gəlməyəcəyəm”, - deyə bildirdi”.
Qızın anası iddia edir ki, onu kimsə aldadaraq aparıb.
Hadisə ilə bağlı Səbail Rayon Polis İdarəsinin 5-ci Polis Şöbəsinə müraciət edilib.
Leyla Əliyevanı görən şəxslərdən 055 812 19 01 nömrəsi ilə əlaqə saxlamaları xahiş olunur.
İlhamə Əbülfət
Вернуться назад