Azərbaycanda Novruz bayramında 9 gün ardıcıl qeyri-iş günü olacaq
17-02-2021, 10:49. Разместил: azadses
Bu il Novruz bayramında 9 gün ardıcıl iş olmayacaq.''Azad Səs'' Pravda.az-a istinadən xəbər verir ki, Nazirlər Kabinetinin "2021-ci il üçün Novruz, Ramazan və Qurban bayramları günlərinin müəyyən edilməsi haqqında” qərarına əsasən, 2021-ci il martın 20, 21, 22, 23, 24-ü Novruz bayramı günləri müəyyən edilib.
Bu il 20-21 mart həftənin şənbə və bazar günlərinə təsadüf etdiyindən, Əmək Məcəlləsinə əsasən iş və istirahət günlərinin yerləri dəyişdiriləcək, martın 25-i və 26-ı da qeyri-iş günü olacaq. Eyni zamanda 27 və 28 mart da həftənin şənbə və bazar günlərinə təsadüf edir.
Beləliklə, Novruz bayramı ilə əlaqədar 9 gün ardıcıl (20, 21, 22, 23, 24, 25, 26, 27 və 28 mart) iş olmayacaq.
Qeyd edək ki, 8 mart Qadınlar günü də iş günü deyil.
Вернуться назад