“Rusiyanın hansısa kadrları müdafiə etməsi təbiidir” – Ramiz Mehdiyevlə bağlı AÇIQLAMA
22-01-2021, 08:18. Разместил: azadses
Azərbaycan Demokrat Partiyasının sədri Sərdar Cəlaloğlu barəsində çoxsaylı tənqidlər səsləndirilməsinə baxmayaraq Ramiz Mehdiyevin hələ də vəzifədə - Azərbaycan Milli Elmlər Akademiyasının (AMEA) Prezidenti vəzifəsində qalmasına münasibət bildirib.S.Cəlaloğlu Pravda.az-a bildirib ki, Rusiyanın Azərbaycana çox ciddi təsirləri var.
O xatırladıb ki, Prezident İlham Əliyev də Dağlıq Qarabağ məsələsində bunu etiraf edib: “Dövlət başçısı bildirdi ki, mənə çox ciddi təzyiqlər olur...”
Partiya sədri qeyd edib ki, Rusiya Ukraynanın da, Belarusun da, bütövlükdə keçmiş SSRİ respublikalarının daxili işlərinə qarışır: “Belə olan halda Rusiyanın hansısa kadrları müdafiə etməsi təbiidir. Azərbaycan Rusiyanın təsirini neytrallaşdırmaq üçün Türkiyə, Pakistanla və digər demokratik ölkələrlə əlaqələri genişləndirməlidir. Nə qədər ki, Rusiyanın təsir etmək imkanları var, deməli, problemlər həll edilməmiş qalacaq”.
S.Cəlaloğlu vurğulayıb ki, Azərbaycanda ayrı-ayrı şəxslərin həbs edilməsi, təəccübə səbəb olan dərəcədə yüngül və ya ağır cəza verilməsi heç də vətəndaşların qanun qarşısında bərabərlik hüququndan irəli gəlmir: “Siyasi sifarişlər və qeyri-qanuni təsirlərlə bu cür hadisələr meydana gəlir. Prokurorluq dövlət adından qərar çıxarır, bu, çox böyük qüsurdur. İstintaqla prokurorluğun bir yerdə olması da qüsur hesab olunur. Çox ciddi məhkəmə islahatları həyata keçirilməlidir. Təəssüflər olsun ki, bu, hələki mümkün olmayıb. Nə qədər desək də, ölkədə müstəqil məhkəmə hakimiyyəti yoxdur”.
Вернуться назад