MİDA Hövsanda daha bir yaşayış kompleksi inşa etdirəcək
- 7-10-2020, 10:08
- Cəmiyyət
Mənzil İnşaatı Dövlət Agentliyinin (MİDA) tabeliyindəki “MİDA” MMC Bakının Suraxanı rayonunun Hövsan qəsəbəsinin qərb hissəsində 18,8 hektar ərazidə daha bir yaşayış kompleksinin tikintisi üçün 6 lotluq açıq tender elan edib.''Azad Səs'' “Report”-a istinadən xəbər verir ki, lotlar üzrə iştirak haqqı 600-1 400 manat arasında dəyişir.
İddiaçılar ilkin sənədləri oktyabrın 23-nə qədər, tender təklifi və onun dəyərinin 1%-i qədər bank təminatını isə noyabrın 2-nə qədər şirkətin Bakı şəhəri, Nəsimi rayonu, Cəlil Məmmədquluzadə küçəsi, 85Z ünvanına təqdim edə bilərlər. Əlaqələndirici şəxs Zahid Vəliyevdir. Telefon: (012) 594-54-01 (Daxili: 238).
Təkliflərə noyabrın 3-də, saat 15:00-da qeyd olunan ünvanda baxılacaq.
