Əhmədbəyli-Füzuli-Şuşa yolundakı tunellərin tikintisindən yeni görüntülər – FOTO
Əhmədbəyli-Füzuli-Şuşa avtomobil yolunün üzərindəki tunellərin inşası davam etdirilir.Bu barədə Azərbaycan Avtomobil Yolları Dövlət Agentliyinin mətbuat xidmətinin rəhbəri Anar Nəcəfli məlumat yayıb.
Bildirilib ki, Əhmədbəyli-Füzuli-Şuşa avtomobil yolunun önəmi onun Zəngəzur dəhlizinin magistralı ilə birləşməsindədir.
Qeyd edək ki, 4 və 6 hərəkət zolaqlı olmaqla iri yaşayış məntəqələrindən, həmçinin məşhur Topxana meşəliyindən yan keçməklə inşa edilən 81.6 km-lik Əhmədbəyli-Füzuli-Şuşa avtomobil yolunun ilk 48 km-i 6, 48-81.6 km arası isə 4 hərəkət zolağından ibarət olacaq. Müvafiq olaraq yol yatağının eni 29.5 və 21.5 metr təşkil edəcək.
Tikintidən yeni fotoları təqdim edirik:
